Amador Montenegro e A Monteira

http://literaturagalega.as-pg.gal/publicacions/a-monteira.html

O 30 de abril de 1864 naceu Amador Montenegro Saavedra, fundador da revista A Monteira, publicada en Lugo desde o 5 de outubro de 1889.  A Monteira, semanario redactado integramente en galego. Levaba por subtítulo Somanario de Intreses Rexionales e Literatura. Fundado e dirixido por Amador Montenegro Saavedra mantivo un indiscutible compromiso coa lingua e mostrou un apoio expreso á ideoloxía rexionalista. Nas oito páxinas do semanario os temas literarios ocupaban un lugar destacado, especialmente a poesía. O número 35 do 31 de maio de 1890 incluíu o poema Os Pinos de Eduardo Pondal, composto para o Certame Musical que se celebraría en agosto dese ano na Coruña, e que será a base da letra do himno. En A Monteira, ademais da publicidade, apareceu a primeira necrolóxica en galego. Deixa de publicarse o 27 de decembro de 1890 co número 65.