O Día das Candeas

    AS-PG
    De AS-PG
    https://www.nosdiario.gal/articulo/social/o-dia-das-candeas/20200131163817090558.html

    O mapa do occidente Atlántico está cuberto por pobos de brétemas, entre enguedelladas topografías, labirintos históricos nos que se perden mitos e ancestrais ritos. Entre eles tamén o da Atlántida, illa con canles e circos de augas, arredor dun gran templo erguido ao deus dos océanos... que se a lenda do país, das Hespérides, dos hiperbóreos, paraíso centrado polo horto da árbore das mazás de ouro. Pomas buscadas por Hércules, como tamén era buscado por Jackson e os Argonautas o pelexo do Castrón de ouro, símbolo dos imperios. Illas máis aló dos mares navegados por fenicios, gregos e romanos, noutra banda dos agudos montes das Columnas de Hércules ou do deus Briareo, quizais o mesmo e mítico Vero Breo, adorado nos altares do Facho de Donón, mirando ás Cíes...