Máis de 200 persoas participan nas xornadas de CIG-Ensino e AS-PG

    AS-PG
    De AS-PG
    http://www.sermosgaliza.gal/articulo/social/mais-200-persoas-participan-nas-xornadas-cig-ensino-pg/20180414202129067869.html

    O IES As Fontiñas de Santiago de Compostela acolleu este sábado ao longo do día as xornadas que cada ano organizan a CIG-Ensino e a Asociación Socio-Pedagóxica Galega, a XXVII edición das xornadas de Lingua e Literatura e a XXI edición das xornadas de Educación Infantil.

     

    Abriu a xornada de Lingua e Literatura Rosalía Fernández Rial, quen expuxo unha proposta artística para renovar as aulas de lingua e literatura. A continuación, Xoán Costa, presidente do Consello de Administración de Sermos Galiza S.A., deu a coñecer o proxecto para a saída de O Diario Galego en 2019 de sumar 3.000 persoas subscritoras e insistiu na necesidade de que o corpo docente poida contar cun diario impreso en galego para poder empregalo nas aulas, posibilidade que a día de hoxe non existe. Costa tamén expuxo as tres liñas básicas ao redor do ensino que Sermos Galiza S.A. comparte coa CIG-Ensino e coa AS-PG, “a necesaria normalización da lingua; o uso de medios propios nas aulas e a recuperación da memoria”.